X
Política de Privacidad y cookies

Utilizamos "cookies" propias y de terceros para elaborar información estadística y mostrarle contenidos, servicios y publicidad personalizada a través del análisis de su navegación. Si continua navegando acepta su uso. Más información y cambio de configuración.

Ignacio Vilar, xunto a algunhas das súas amigas e seus fillos. // FdV

Ignacio Vilar: "Temos en Galicia lugares incribles que conservar e ofrecer"

"Esto é algo que, se o vives, non o esqueces: de pequeno fálanche do paraíso e ése é o concepto, un paraíso no aquí e no agora"

27.07.2017 | 04:55 | Sociedad

O director galego Ignacio Vilar ubica no centro das súas historias a cultura e a natureza galegas, e difúndeas tanto nacional coma internacionalmente. Así, en 'Sicixia', súa entrega máis recente, retomou a forte impresión que lle producira un viaxe pola Costa do Morte fai un par de décadas, tormenta incluida. E preparou a rodaxe da cinta con 6 meses de inmersión nas costumes e oficios da xente da zona e o espectacular daqueles paisaxes.

Pero a provincia máis representada durante a súa carreira cinematográfica non é A Coruña senón Ourense, cuxos entornos naturais, rurais e urbanos apareceron en 'Vilamor', 'Pradolongo' e mais a recoñecidísima 'A Esmorga', adaptación da obra literaria de Eduardo Blanco Amor que acadou unha nominación aos Goya polo seu guión.

Polo tanto, non é casualidade que no seu verán favorito percorrera as terras ourensáns e luguesas da Ribeira Sacra. 8 días entre os máis sublimes produtos da nosa terra e contornas case virxes bañadas polo Miño e o Sil.

En 2015 alugou cos seus amigos e amigas unha furgoneta de 9 prazas e un pazo en Ferreira de Pantón, e lanzáronse 'á aventura'.

Durante a súa estadía, mesturaron a visita a luxosos restaurantes co achegarse aos mercados, procurar ingredientes do lugar e practicar a nosa gastronomía cociñando no pazo.

Chegáronlles por correo chuletóns de vaca galega, que compraran pola página web de Carsegal, empresa cárnica de Sarria con 30 anos de actividade. Mesturaron a carne á brasa cun gran viño e resume Vilar a experiencia coma "o pracer de vivir intensamente as bondades do noso país, dende esas vacas que chean as nosas paisaxes".

En O Sabiñao, no Cabo do Mundo, atopáronse A Cova, un restaurante con vistas ao río Miño que lles ofreceu anguías do río, troitas e codornices, ademais do viño da Abadía da Cova.

Ribeira Sacra destaca pola súa concentración de igrexas románicas, así coma a importancia singular de cada unha delas. E na igrexa de San Miguel de Eiré, en Ferreira de Pantón, unha licenciada en arte da empresa 'Máis que románico' guioulles a través desa peza arquitectónica única e conseguiu, recorda Vilar, "facernos vivir o románico e a época histórica á que pertence, cóma rematouse a Catedral de Santiago no século XII e espallouse este estilo por toda Galicia".

"A Ribeira Sacra é o lugar de España con maior proporción de arte románico por metro cadrado", asegura o realizador. Visitaron en Pantón o Pazo de Tor, que ofrece a posibilidade de visitas gratis con cita previa. Recorda o director galego que "os guías tiñan un coñecemento impresionante, e fixéronnos mergullar na vida dunha familia da aristocracia galega do século XVI, foi unha clase de historia viva, é unha visita fundamental". O pazo contén incluso un laberinto do século XVII que construíron para xogar os nenos, e terminou convertíndose nunha das localizacións de 'A Esmorga'.

Ademais, tamén recomenda o museo etnográfico de Arxeriz, que amosa cómo vivían os nosos antepasados: seus aparellos de pesca, os intrumentos para elaborar o viño....

Tampouco eludiron a visita ao Mosteiro de San Pedro de Rocha en Esgos, e situáronse fai 700 ou 800 anos; o de Santa Cristina, nos canóns do Sil, ou o de Santo Estevo.

E alugaron unha zodia con capacidade para ata 10 persoas en Belesar, que Vilar defende coma unha das aldeas máis fermosas de Galicia. Con ela percorreron a beleza do Miño. A experiencia, analiza o director, é moi distinta á do catamarán, pois a zodia, grazas a seu pequeno tamaño, pode explorar pequenos recunchos. O artista e mais os seus acompañantes visitaron unha fervenza inaccesible doutro xeito. El a describe con paixón coma "algo que, se o vives, non o esqueces; de pequeno cóntanche sobre o paraíso e ése é o concepto, un paraíso, non no mái alá senón no aquí e no agora".

Un pequeno inciso: Robert Parker é un norteamericano que ten seu olfato asegurado por un millón de dólares e está considerado coma o crítico de vinos máis importante do mundo, cunha docena de guías e unha influínte revista (The Wine Advocate) no mercado. El creou un sistema de puntuación do viño de 1 a 100 segundo diversos parámetros coma a cor, o aroma, etc. Esta nota pode impedir as posibilidades de negocio dun viño ou aumentar exponencialmente seu prezo. Perker e sus axudantes realizan unhas 6.000 catas ao ano, e nestas certificaron a España, Galicia e mais a Ribeira Sacra coma destinos vinícolas ideais e productores dun viño de salientable importancia. Así, Pedro Rodríguez, amigo de Vilar que posué, afirma o cineasta, "unha das bodegas máis importantes do mundo", conseguiu co seu 'Guímaro', un tinto elaborado de forma tradicional, 97 puntos Parker.

Analiza Vilar que o que máis disfrutou da viaxe foi precisamente "a combinación entre natureza, arte románico e viticultura; bo viño, boa comida, boa compañía".

Foi, en palabras do cineasta, "unha semana que é difícil de vivir en calquer sitio do mundo". O intentaron. O ano seguinte probaron sorte en Portugal con máis rutas de natureza, arte e gastronomía; achegando súas olladas ao Douro, a cidade de Porto ou Ponte de Lima, un pobo do distrito de Viana do Castelo que Vilar define coma "unha das poboacións con maior beleza do país veciño". Alí degustaron o viño dunha bodega con 400 anos de antigüidade.

Pero encontraron diferenzas. "En Portugal", describe Vilar, "todo estaba máis masificado, e de feito seguramente en 5 anos todo sexa diferente aquí.Temos en Galicia lugares incribles para conservar e ofrecer, tanto aos nosos coma os de fóra, pois contan con todas as posibilidades, e unha boa conservación: os bosques, as viñas, todo no seu sitio".

Como anécdota, relata Vilar: "A veces perdíamonos, e sempre chegábamos ao Mosteiro de Rivas do Sil, xa pensábamos que estábamos enmeigados, viaxando en círculos". E eran afortunados: coma o propio cineasta amosou, non hai moitos lugares mellores nos que perderse.

Sociedad

Los poderes de los superhéroes que sí existen en el mundo real

Gracias a la ciencia es posible replicar algunas de las habilidades de estos personajes ficticios

Cómo saber si te acercas demasiado a alguien según en qué país estés

El espacio personal en el que nos sentimos cómodos para relacionarnos con los demás varía en cada cultura

¿Sabes qué hay en el interior de la Luna?

Han pasado casi 50 años de la llegada del hombre al satélite, pero todavía quedan secretos por resolver

Euromillones: resultados del viernes 28 de julio de 2017

Consulta la combinación ganadora y las estrellas - La recaudación llega a los 11 millones de euros

Recorre la costa gallega en 10 campings

Estos son algunos lugares emblemáticos del litoral que demuestran lo bonita que es Galicia